CATASÓS

Artículo sobre a fraga de Catasós no blog "En busca de la cuadratura del círculo"

2012-01-21T19:50:00.000+01:00

Entrada con fotografías da "Fraga de Catasós" no blog "En busca de la cuadratura del círculo".

Para velo pinchar aquí.

Artículo da Fraga de Catasós no blog "El Bohío de María"

2012-01-16T11:43:00.000+01:00

Entrada con fotografías da Fraga de Catasós no blog "El Bohío de María".
Para velo pinchar aquí.

Festas na honra de Santiago Apostol e Santa Ana 2011

2011-07-13T14:16:00.002+02:00

Catasós celebra os días 25 e 26 as festas en honra a Santiago Apóstolo e Santa Ana. O día 25 haberá misa ás 13 horas e o 26 misas ás 10 e ás 13 horas. O día 25 a orquestra Añoranza amenizará a sesión vermú e a verbena correrá a cargo das orquestras Os Trobadores e Añoranza. O día 26 a música poraa a Banda de Vilatuxe e a orquestra Os Españois.

FESTA DE BELELLE 2011

2011-06-28T16:06:00.002+02:00

Sábado, 23 de Xulio. Festas na honra a Santa Mariña con sesión vermú a man da orquetra TROLE e verbena amenizada por a orquetra TROLE e a actuación de PILI PAMPÍN.

Entra en vigor a modificación puntual para o novo polígono de Catasós.

2011-05-03T11:35:00.002+02:00

(Fonte: http://www.lavozdegalicia.es/deza/2011/05/03/0003_201105D3C3996.htm)
A modificación puntual nº 10 da PXOM de Lalín, destinada á reclasificación de chan urbanizable comercial-industrial en Catasós para a creación dun novo parque empresarial no municipio, entrou onte en vigor coa súa publicación no boletín provincial.
Máis información aquí.

Festas en Catasós na honra da Virxe do Carme 2011

2011-05-02T18:32:00.002+02:00

Domingo 15 de Maio do 2011, festas en Catasós na honra da Virxe do Carme.

Sesión vermú a cargo da orquestra PANAMÁ e a noite verbena a cargo das dúas grandes orquestras PANAMÁ e COSTA OESTE.

Haberá aparcadoiros a pé de campo, e ademáis o campo estará cuberto cunha carpa en caso de que chova.

Lalín e os seus espazos naturais.

2011-03-07T23:46:00.001+01:00

(Fonte: http://www.galiciaparaelmundo.com)
Sen dúbida do que presume Lalín é das suas carballeiras. Con máis de 270 inventariadas, a máis famosa atopámola na fraga de Catasós. Declarada Monumento Natural pola Xunta de Galicia, alberga os castiñeiros máis altos de Europa con 30 metros de alto, 5 e medio de perímetro e con 200 anos. E xunto cos carballos e os alcornoques conforman a masa arbórea desta fraga..... (Picar aquí para ver o arquivo completo)

Vivir Galicia: Fraga de Catasós. Paseo por un bosque ligado a la ...

2010-11-23T09:27:00.001+01:00

Vivir Galicia: Fraga de Catasós. Paseo por un bosque ligado a la ...: "Publicado en 'Turgalicia. Revista para descubrir Galicia'. Núm. 8. Agosto 2007-Diciembre 2007 Desde que el fitopatólogo norteamericano Flipp..."

Achado un xacemento arqueolóxico na zona de Quintela

2010-10-30T09:37:00.002+02:00

(Fonte:http://www.lavozdegalicia.es/deza/2010/10/30/0003_8816283.htm)

A xefatura territorial da Consellería de Cultura e Turismo en Pontevedra acaba de remitir escrito ao Concello lalinense para comunicarlle o achado dun novo xacemento arqueolóxico situado preto do lugar de Quintela, na parroquia de Catasós. A comunicación detalla a situación do xacemento, a efectos de que o goberno local tome as correspondentes medidas en canto a protección da zona, en especial desde o punto de vista urbanístico.

O lugar xa era de sempre recoñecida polos veciños polo nome de "O Castro", e incluso unha zona anesa e coñecida coma "O Balado", referente a unha posible zona amurallada.

Catasós enamora a Xapón

2010-09-03T07:11:00.002+02:00

(Fonte: http://www.lavozdegalicia.es/deza/2010/09/03/0003_8703563.htm)
A Fraga de Catasós foi un do tres lugares de Galicia seleccionados por unha canle de televisión xaponesa a TBS para mostrar Galicia nun veterano programa de turismo nipón que chega a uns 50 millóns de espectadores. O programa denomínase Un encontro marabilloso co mundo e a fraga poderase ver dentro do espazo España verde destinado a divulgar os encantos do noroeste español.

A nova ó completo aquí.

A fraga de Catasós no Discovery Channel

2010-07-19T01:28:00.001+02:00

(Fonte: http://www.farodevigo.es)

Estos días, o pretixioso canal por cable Discovery Channel, estivo grabando unha series de reportaxes de lugares en Lalín, e entre eles, a fraga de Catasós.

A noticia completa aquí.

Catasós clonará a su fraga

2010-06-11T10:12:00.000+02:00

http://www.farodevigo.es/portada-deza-tabeiros-montes/2010/06/11/catasos-clonara-fraga/446775.html

Festas do Carme 2010

2010-04-26T12:13:00.000+02:00

Festas do Carme 2010. Domingo 16 de Maio.
Misa ás 13:00 e sesión vermú con "Super Fama".
Pola noite verbena a cargo das orquestas "Super Fama" e "Trovadores" (Con actuación de José Ferradas).
O campo estará cuberto cunha carpa.

Rutas por Catasós en bicicleta de montaña

2009-12-30T23:06:00.001+01:00

Neste enlace, podedes ver unha ruta en bicicleta de montaña por terras de Catasós. A ruta ven explicada incluindo fotografías e un mapa: http://dezarutas.wordpress.com/catasos/

Neste outro, a ruta lévanos por Puxallos: http://dezarutas.wordpress.com/puxallos/

Ambalas Rutas teñen como orixen e fin o centro de Lalín.

Polígono industrial en Catasós. Últimas novas.

2007-10-24T00:41:00.006+02:00

(15/08/09) Lalín somete a consulta o proxecto do polígono de Catasós durante dous meses
Román Rodríguez asegura que é "un paso máis" do enclave industrial. (Leer máis aquí).

Ver mapa más grande

Casa de Quintela ou Pazo de Quiroga

2007-08-15T04:19:00.001+02:00

A Casa de Quintela é unha casa señorial situada no lugar de Quintela, na parroquia de Catasós. A casa propiedade da familia dos Quiroga, e que tiña a propiedade do próximo Souto de Quintela, foi no século XIX visitada por intelectuais e políticos galegos, en especial Emilia Pardo Bazán pasou longas temporadas nesta casa, onde escribiu algúns capítulos de Los Pazos de Ulloa

O PAZO DE DONFREÁN

2007-08-15T04:07:00.004+02:00

O Pazo de Donfreán é unha casa señorial situada no lugar de Donfreán, na parroquia de Catasós construida en estilo barroco a mediados do século XVIII. O edificio, con planta en forma de U, componse de tres corpos unidos, destacando o portalón de arco de medio punto que serve de abertura ao muro que cerra o edificio.
A parroquia de Donfreán era antiga propiedade da familia dos Taboada, en 1625 pasou a Gómez Oxea de Albán (o novo) e posteriormente por entronque familiar á familia dos Montenegro.

Parece cravado nun tempo terrorífico de Romance de Lobos. A impresión provén de que as fachadas ceden e ábrense no tempo coma os ollos na madurez, o granito está pintado de liques, unha fraga seca parece envolvelo e devoralo e na fachada descomposta fican símbolos atípicos, como un estraño escudo blasonado e unha cadea con argola recollida no medio do paredón.

Ver mapa más grande

A Fraga de Catasós; Onde os castiñeiros tocan o ceo

2007-08-15T03:45:00.002+02:00

A Fraga de Catasós, tamén coñecida como Carballeira de Quiroga, localízase na parroquia de Santiago de Catasós, no concello de Lalín. Este contorno presenta unhas características botánicas de grande importancia, singularidade e beleza, tendo en conta que na súa maior parte constitúe un importante bosque mixto de carballo (Quercus robur L.) e castiñeiro (Castanea sativa Mill.), os exemplares do cal son considerados como os mellores de Europa pola súa lanzalía, espertando o interese de diversos investigadores. En canto ás súas características climáticas e edáficas, hai que sinalar que se encontra dentro do dominio climático oceánico e asentado xeoloxicamente sobre micacitas metamórficas prehercínicas básicas, que dan lugar a solos pardos ácidos, forestalmente productivos.
A pesares de ser un espazo reducido, de non máis de 5Ha, este souto conserva os exemplares de Castiñeiro máis altos de Europa de 30m de altura e máis de 5m de circunferencia na súa base. Todo un espectáculo natural digno de ser visto e que para os estudosos da botánica convertese en todo un banco xenético e de estudo do castiñeiro. Actualmente está en fase de preparación un proxecto que pretende clorar estas árbores e repoboar así outras zonas de Galiza, dada a súa resistencia natural. .
Pero é a súa visita a que nos permitirá afondar no que eran os soutos (bosques de castiñeiros) e atopar especies animais e vexetais que, por desgraza, xa non son visibles en outros lugares. Así podemos atopar aquí unha variedade de narciso endémica de Galiza, coma é o Narcisus pseudonarcisus Subsp. Nobilis, dunha cor amarela moi expresiva.
Outra das especies, neste caso de insectos, que están en perigo de desaparición e podemos ver aquí, é a vacaloura ( Lucanus cervus ), impresionante no seu tamaño e no das súas grandes mandíbulas que emprega para loitar. Actualmente este gran insecto se atopa protexida en todo o Estado Español e esta incluído na lista vermella das especies ameazadas.
Pero tamén podemos vir a este magnifico lugar a pasear e percorrer a fraga con tranquilidade, deixándonos levar. Quizás poidamos ver cousas que chamen a nosa atención, xa tan acostumada a pasear por piñeirais ou eucaliptais, e que non lembra coma eran os bosques galegos no pasado. O lugar, dispón para o seu visitante de paneis divulgativos nos que afondar sobre a fraga e o seu perímetro.
Esta paraxe natural, á que é moi sinxelo chegar, atópase na estrada Nacional 525 (Santiago-Ourense) a 4km de Lalín.

SANTIAGO DE CATASÓS

2007-08-14T21:14:00.002+02:00

Santiago de Catasós é unha parroquia que se localiza no concello de Lalín. Segundo o padrón municipal de 2004 tiña 489 habitantes (267 mulleres e 222 homes), distribuídos en 13 entidades de poboación, o que supón unha diminución en relación ao ano 1999 cando tiña 527 habitantes.

Según fontes de o "Faro de Vigo", a poboación en Catasós no 2009 foi de 465 habitantes repartidos da seguinte forma: Antuín (17), Barrio (17), Belelle (86), Cabreira (41), Casas Vellas (2), Catasós (65), Celemín (21), Cerredo (25), Cobás (40), Donfreán (51), Puxallos (29), Quintela (53) e Torguedo (18).

Na parroquia, concretamente no lugar de Quintela, atópase a Fraga de Catasós (ou Carballeira de Quiroga), ocupa 4.5185 ha. e foi declarada monumento natural no ano 2000, que ademais de carballos conserva castiñeiros centenarios de 5 metros de circunferencia que chegan ata os 30 metros de altura, o que os converte nos máis altos de Europa.
Entre os edificios civís da parroquia destacan o Pazo de Donfreán e a Casa de Quintela.

A parroquia conserva un castro e algúns túmulos funerarios. Na arquitectura civil destaca o pazo de Donfreán, un casal do século XVIII. A súa igrexa, moi sinxela, foi levantada sobre as ruínas da anterior en 1792; hai tamén dúas ermidas, e un cruceiro duns 5 metros de alto. En Pozo Negro hai un área recreativa, a carón da estrada N-525.
Festividade:
Santiago
Poboación:
492 habitantes
Extensión:
18,2 quilómetros cadrados
Densidade de pob.:
27,03
Altitude máx.:
618 metros
Código postal:
36518
Distancia a Lalín:
5 quilómetros
Lugares:
Antuín, Barrio, Belelle, Cabreira, Casa Bellas, Catasós, Celemín, Cerredo, Cobas, Donfreán, Puxallos, Quintela e Torguedo .

CATASÓS

Artículo sobre a fraga de Catasós no blog "En busca de la cuadratura del círculo"

Artículo da Fraga de Catasós no blog "El Bohío de María"

Festas na honra de Santiago Apostol e Santa Ana 2011

FESTA DE BELELLE 2011

Entra en vigor a modificación puntual para o novo polígono de Catasós.

Festas en Catasós na honra da Virxe do Carme 2011

Lalín e os seus espazos naturais.

Vivir Galicia: Fraga de Catasós. Paseo por un bosque ligado a la ...

Achado un xacemento arqueolóxico na zona de Quintela

Catasós enamora a Xapón

A fraga de Catasós no Discovery Channel

Catasós clonará a su fraga

Festas do Carme 2010

Festas do Carme 2010. Domingo 16 de Maio.Misa ás 13:00 e sesión vermú con "Super Fama".Pola noite verbena a cargo das orquestas "Super Fama" e "Trovadores" (Con actuación de José Ferradas).O campo estará cuberto cunha carpa.

Rutas por Catasós en bicicleta de montaña

Polígono industrial en Catasós. Últimas novas.

Casa de Quintela ou Pazo de Quiroga

O PAZO DE DONFREÁN

A Fraga de Catasós; Onde os castiñeiros tocan o ceo

SANTIAGO DE CATASÓS

Festas do Carme 2010. Domingo 16 de Maio.
Misa ás 13:00 e sesión vermú con "Super Fama".
Pola noite verbena a cargo das orquestas "Super Fama" e "Trovadores" (Con actuación de José Ferradas).
O campo estará cuberto cunha carpa.